江山笑 (已結業)

近幾日發現呢度有新湯外賣, 總共十款湯, 每日一款, 即管試試.今日既湯係「椰子煲雞」. 攞湯時經理話個湯係用新鮮椰子肉餚製而成架. 返到去一打開個蓋, 真係勁香椰子味, 味道清甜, 而湯渣有椰子同雞肉, 仲細心到跟埋豉油添 又一方便就腳外賣靚湯既地方, 以後唔一定要老遠行到落地底先有湯飲啦 忙起上黎仲可以叫外賣送上門添 真方便, 又唔洗好似其他咁, 要早幾日訂定.而價錢 $48, 9折, 十送一, 除返開都係$3x, 同地底差唔多啦.除靚湯外, 仲發現新加咗糖水外賣添喎 下次想食甜品時, 唔洗黎黎去去都係食cake, 又多一個選擇