滋潤棧 (已結業)

忽然諗起想食家庭式無味精客飯小菜，會諗起去邊?除咗太子蘭宛饍館外，就係呢度...久未幫襯，每次多數嚟食lunch。客飯六選一，加埋碗老火湯，清清哋...呷一口沙蔘玉竹雪梨豬骨湯。初時飲落，都頗清。再呷多口，咦...喉嚨有少少痕。真係無msg添加?茄子排骨客飯。味道偏鹹，排骨淡而無味，要靠厚厚嘅獻汁"俾"味；茄子倒係煑得頗淰。用嚟拌飯吃，總算食得落...邊食邊喉嚨不適，完全無味精添加，信焉?但相比起普通茶記出品，又不致於咁過份...