亞坤 (已結業)

<神仙難救的坤仔>周日港島四處遊，路過見到間亞坤，走上去一試﹗我倆雖未去過新加坡，但亞坤咖央多士呢個大名如雷貫耳，無理由無聽過﹗店鋪佔地兩層，相當有規模，奇就奇在下午時份竟然唔爆，心知不妙。當然要試試佢地既全餐 – 咖央多士餐，有牛油咖央多士、半熟蛋兩隻及招牌奶茶，而食家就點咗個招牌酸辣叻沙一試。我不嗜甜，知新加坡奶茶用煉奶，故已先向待應姐姐點了少甜，但入口一嚐，味道卻有如甜奶水甜到漏，甚麼香滑茶味濃郁完全欠奉，這就是招牌奶茶？會唔會叫招牌糖水合理一點？食家的叻沙，佢只嚐了一口便黑面，成碗推了給我叫我食埋佢，聞落就無咩野，吃下那湯底卻是一朕酸宿味，是甚麼怪味我也不懂形容，我問係咪有點似坑渠味佢即有同感，最後當然一人一口，成碗放棄。那兩隻半熟蛋，應是加點醬油及胡椒粉來吃，先小嚐未加醬的，半熟的蛋完全沒有蛋香，加埋醬料其實就即係食緊鹹豉油鼻涕......，原來這就是新加坡的名物。最後當然要一提咖央，多士小小脆，咖央醬椰味亦濃，但可能唔夠熱關係，入面牛油成舊未融，招牌菜唔該用點心機做吧﹗睇番OR先知原來喊評佔大多數，總有原因，就算是未吃過新加坡老店的我倆也覺得無可救藥，來生再