第一郡 (已搬遷) 新店位置

深水埗越南小店，第一次試咗佢哋蕃茄蟹餅湯米之後，就上咗癮，高峰期一個禮拜食咗三次。越南蕃茄蟹粉周圍都有，但係呢一間嘅湯底包你食過返尋味，我仲會叫佢哋俾啲辣椒放喺湯入邊，令到湯更好味。如果唔係好食得辣嘅就唔好咬碎啲辣椒，淨係吊味就好啦。一碗湯粉入邊有生菜，半個大蕃茄，豬紅，豆腐卜，扎肉，芽菜，自家製蟹蛋餅，九層塔碎和米粉。嘢飲唔記得咗影不過飲咗牛油果沙冰，呢個做法係以前喺美國食越南粉嘅時候必有飲品，呢間都做得唔錯。