無印良品 (已結業)

約左朋友係銅鑼灣行街，行到利舞臺，五點鐘又未晚飯，又想搵個地方坐下，佢地提議去無印。真係唔講都唔知原來無印開左餐廳，可能係潮流啦。其實餐廳係正無印良品入面，地方唔算大。見到餐廳下午茶主打蛋糕甜品等既輕食。宇治抹茶芝士蛋糕 + 咖啡 $72蛋糕都唔算好細件，食落芝士味比抹茶味突出，可能因為芝士本身既味道都勁，入口亦會感覺到芝士既溜。最後整番杯普通既咖啡。無法子，食芝士蛋糕我鐘意配咖啡，但呢杯就不過不失。其實呢度都無話唔好食，但呢個價錢我寧願去Starbucks 同Pacific Coffee 叫野食加咖啡好似仲正。