龍門一番川滬·紫砂燉湯 (已結業)

🥗涼菜自選組合4款 $138🍆涼伴茄子塔：有少少辣，茄子好入味，正常發揮。🐷蒜泥白肉：夠薄，底下仲有粉皮。🦐醉翁蝦：好夠酒味，聞到都醉，蝦肉爽口彈牙，大小適中。🥬溫室蓮藕苗拌貓耳朵 ：呢個真係想像唔到，嚟到係一條好迷你嘅蓮藕，好得意，有啲啲辣，兩個蔬菜都好爽脆，好夾。🥢上湯小籠包 $40先咬一小口，見到入面好多湯汁，唔怕熱可以一啖食，湯汁餡皮係口中混合，味道不錯。🐟糖醋魚塊 $78酸酸甜甜，魚塊冇骨，啖啖肉，送飯一流。🐷梅菜扣肉 配 蝴蝶餅 $98梅菜扣肉每塊都好薄，好淋，入口即化，汁濃味所以配蝴蝶餅非常好，將梅菜扣肉放係蝴蝶餅中，加啲汁，一濃一淡，蝴蝶餅又鬆軟，好味😋。🥣花旗參石斛螺頭燉雲吞雞湯 $68燉湯清香，花旗參清熱，石斛養陰，螺頭滋陰，啱晒。湯入面有兩粒大雲吞，有隻雞脾，兩個人飲都好夠。