炸老闆 (已結業)

今年夏天去台灣玩食完花蓮有名既黃車炸蛋蔥油餅後一直念念不忘，點知尋日經過太子竟然發現香港都開咗間！點翻一個最平常既原味炸蛋，試之前都知無可能好味過原版，本身已經無乜期望，無諗到結果仍然低於預期！原版蔥油餅：又酥又脆。炸老闆蔥油餅：面厚，咬落無彈性，完全無酥脆。原版炸蛋：半熟流心雞蛋有爆漿。炸老闆炸蛋：一啖啖咬，到最尾都無爆漿……唯一可讚既大概只有醬料……批評一番，其實都係希望炸老闆可以再努力，畢竟想重溫台灣蔥油餅，嚟太子易過去台灣！包裝紙都有寫“祖傳三代目前第一代“喇，唔比心機我驚一代都做唔耐咋！