悅軒海鮮酒家 (已結業)

經朋友介紹，話呢度蒸氣鍋十粥底火鍋放題好正，我同幾個朋友就來試下，環境尚可，可能繁忙時間人客比較多，服務就無咁周到，蒸氣鍋有ABC餐選擇，A餐有6款海鮮，B及C餐有8款海鮮，我地揀左B餐-大瀨尿蝦、聖子皇、奄仔蟹、大元貝、龍躉件、石蠔、大帶子、貝殼類，海鮮出來有冰底，海鮮非常新鮮及大份量，瀨尿蝦差不多有9寸長，元貝有手扳大，聖子皇差不多有10寸長。有個服務員就教我地蒸海鮮既流程及時間，非常有專業，咁樣蒸海鮮食真係極之原汁原味又鮮味，可能海鮮新鮮關係，唔洗點醬油D海鮮都好好食，蒸晒海鮮就用含有海鮮精華既粥底打邊爐，任食火鍋料有差唔多70款，安格斯肥牛、大海蝦、白鱔片、象拔蚌片、雞子都係任食既，最後食埋D粥，鮮味無窮；一試難忘呀！埋單每人$300任飲任食極之超值，下次一定會再來重要介紹埋朋友來