影片
更多
2017-06-10
179 瀏覽
估唔到，我啱啱開始寫食評，第一個劣評係比呢間野。平時行過見到裝修幾靚，上網睇過餐牌都以為ok。琴日午餐市段見人少少走去試下，點知，價錢貴質素低....男友叫左個和牛burger, 個飽同牛肉完全唔啱比例，一咬落去淨係食飽同醬，牛肉又少又唔係特別出眾，薯條我響個餐一黎到就拎黎食，但竟然係少少暖嘅，唔係新鮮炸嘅....lunch都要$88加一另外我叫左個櫻花蝦意粉，味道普通唔差，不過唔知點解覺得自己食緊染色劑，啲蝦仔有幾隻接近鮮紅色，整到成碟粉都係粉紅色，我呢啲唔女性化嘅女仔係唔會覺得靚同夢幻....仲有，加左$5叫左杯cappuccino，點知老麥嘅即磨都好飲過佢，lunch time 趕時間唔拉花唔緊要，我都唔係食野一定要相機食先果啲人，但最起碼你本身已經要加錢先有嘅飲品，係咪要值返個價呢....無拉靚花杯咖啡都又係暖，唔係熱....咖啡唔熱唔凍係最難飲咖....總括黎講，lunch$186兩個人，食啲咁無質素嘅野，絕對唔值....各位唔好再比打手呃黎食，甜品我無試過，總知和牛漢堡同cappuccino 就絕對唔掂。埋單後仲送優惠卷比我，隨手就掉左....OpenRice 覺得我呢篇係
所謂的和牛，你見到嗎？
$88
12 瀏覽
1 讚好
0 留言
$76
9 瀏覽
0 讚好
0 留言
10 瀏覽
0 讚好
0 留言
OpenRice 覺得我呢篇係打手比嘅劣評....又話唔比人作無理猜測....講真，我只係個普通office 打工仔，無必要針對呢間野，唔得就係唔得，做咩唔比人比劣評...好評就唔洗審批...即係成個OpenRice 嘅好評都係打手就得，劣評就話人係打手唔刊登...我諗我以後都唔會信啲食評，因為要比劣評難過登天，所以唔好相信一間野少劣評就係好食，可能只因OpenRice ban 晒真正用家啲劣評only...真心希望ban 人果啲，去試下人地投訴果啲餐黎先好ban....
張貼
