博洛尼亞 (已結業)

忙碌的新年過後，來到假期最後一日，愛吃麵包的我希望享受一頓滿足的午餐，為自己充充電。平日的確很靜，只有幾枱顧客，有日本遊客亦慕名而至，嘩啦嘩啦地捧著餐牌討論。不久侍應便端來一碟貌似麥記板燒雞腿包的東西.......我:"我點的是照燒雞扒三文治"侍應:"唔好意思，今日冇toast供應"我："點解呀？"(質問）侍應:"今日部機壞左，改用牛油麵包代替"我："我點餐時點解唔講聲呀？"（憤怒中）侍應:"唔好意思呀....."(尷尬地走開)坐我鄰桌的日本遊客點的吉烈豬扒三文治亦緊接送上，日本遊客O了嘴，同樣質問侍應，侍應以日文回答，日本遊客失望之情表露無遺........論服務：惡劣。無可能不提醒顧客今日轉用其他麵包代替丹麥toast，因為相信光顧此店的人一定是為吃那81層麵包而來。為造成生意而令客人失望而回，可恥。論食物：用一個一開為二的牛油麵包夾一塊冰冷死實的雞扒，好食有限....論價錢：$80幾一個餐，麥記個即叫即做的板燒雞腿包$2x，又或者$7xTriple O仲好食過佢。不值。建議食家進去前先查詢你想食的item有沒有供應，否則只會掃慶而回。