大發茶餐廳 (已結業)

第一次幫襯，諗住買個飯盒返屋企食，無論係門口水牌定餐廳內張貼的餐牌均只寫$48，奉送熱飲。入去叫左個飯加熱奶茶，伙記話$55，我問一句「咦唔係$48？」佢話$48係午餐，我一邊照俾＄，一邊望多次牆上價目，$48, 沒有標明午餐定價錢，伙計再堅稱有寫，再加一隻塘邊鶴話有寫，原來佢地講緊另一邊牆有寫，我無行入去求證，因為佢地嘅咀臉已經令我一肚氣，二來我無諗過要讀哂成間餐廳嘅餐牌去確定食品價錢。幾蚊不成問題，問題係原來買個飯都要受氣，我接受晤到。外賣都係客，可唔可以尊重D？不過無所謂了，因為無下次！