茶木‧台式休閒餐廳 (已結業)

今日下午想食咕嚕肉飯，就到新元朗中心茶木分店，叫咗一個咕嚕肉加一個白飯(因為星期六日冇套餐的關係)，+1個雞扒肉操飯，兩杯珍珠奶茶，等左好耐，望返張單50分下單，15分兩個飯都仲未嚟，原來已經過咗25分鐘，等左三十分鐘，先來左一個雞扒肉操飯，35分鐘先來左一個菠蘿咕嚕肉加白飯，中途吹過兩次，真係覺得等左好耐，如果一早知道要等35分鐘就唔會叫，見到坐對面枱的小姐可能因為等得太久的關係，吹左一次，最後要打包拎走，心諗其實佢廚房係咪唔夠人工作，每張枱的客人都有吹單，仲要菠蘿咕嚕肉正價$79得五件咕嚕肉，全部都是菠蘿，$80叫5件咕嚕肉有冇搞錯…出面有好多人在等位，但入面好多係四座位但只有一個人也可入座，坐低慢慢等朋友到，但出面好多人再等位，一家大細，但入百有幾張枱都是未到齊人的，只有一個人就可入坐，眼見旁邊張枱坐咗15分鐘仍未叫任何野…出面人齊到咗的，就要在出面等位，這件事非常愚笨！