新沙洞 (已結業)

之前食過午餐覺得幾好，就約家人去食晚餐，店員招呼係幾好，有禮貌，不時幫我地斟茶，但食物質素我哋極之失望！點咗栗子炆牛助骨，韓式炒粉絲，蝦醬炒菜心三款全菜式。半個鐘後上菜，夾起炒粉絲發現黏成一團「粉絲餅」，從粉絲入口既熱度，黏性，無油份，大概都估到粉絲是微波爐翻熱啦，得粉絲上面既蔬菜才是即炒 （選用既粉絲跟外面的質素差太多）。蝦醬炒菜心，無鑊氣，暗啞，應該淨係用醬汁烚熟。栗子炆牛助骨，店員說無栗子，唔緊要，但盛惠120蚊既牛肋骨行4小件，係幾入味，但30蚊一小件牛助骨，實在有點孤寒。最後，翻熱的粉絲，烚菜，一早煲好的牛助骨都要用30分鐘的上菜時間，都算好耐，認真無下次！忘了記錄「粉絲餅」，補影已經太遲。右面是聲稱炒但其實係烚既暗啞菜心。