5:00一入到去我係第一枱，入到去完全無任何解釋，櫃檯化妝女人全程黑面🤬
唔問就咩都唔講，大佬我第一次黎你當我乜都識？
好啦5:10開始落單，唔叫唔過黎！留意係全場得我一枱！
落左2個雞煲(芝士，麻辣)
芝士好食，麻辣死辣唔好食
2次都等左5分鐘
都加左2次芝士（大概5:45）
然後又係要係咁問佢，有冇刺身？(有個姐姐完全唔知發生咩事，乜都要問其他人)
擾攘左10分鐘，就話有
呢段時間陸續上咗兩個火鍋湯底，然後就上海鮮盤(6:00)
再問佢係咪有得落其他火鍋料，佢先至俾支筆我落單，最大問題係連飲品都要侍應拎(任飲係要每人加$20)，完全控制唔到佢幾時先俾我？
等個鍋滾起(6:25)，就食龍蝦海鮮，點知龍蝦係霉嘅，蝦大隻爽口，食得出啲海鮮唔係太新鮮，除咗鮑魚係識郁嘅，但係就完全冇擦過，好多黑邊😨
食到咁上下想再加單，就已經發現剩返10分鐘(6:50)，個化妝女人今次主動行埋嚟，就話我哋得返10分鐘加嘅嘢食唔食得晒？
嗰刻我真係好嬲，你憑咩覺得我10分鐘食唔切？
總結，店員全部都好似唔知發生咩事咁，成件事覺得好庹縮，完全冇招呼可言！我未試過食任食打邊爐係唔飽嘅！千祈唔好去！:(
佢由頭到尾都冇解釋過點樣落單，幾時最後落單，成個餐有咩食，千祈唔好唔！
1
