SHY Dance Cafe (已結業)

其實新開張時食過一次，果次叫蛋牛治和蛋包飯。味道其實唔錯，可能新開張，老闆親自睇場和下廚。果次蛋牛治多汁軟滑。今日，帶屋企人去試，叫左，1。蛋牛治-味道唔錯，但已經唔及之前咁軟滑多汁。d蛋熟哂，牛肉碎左d出來，乾淨淨。令外侍應唔會主動問你要唔要toast. 侍應好後生，對餐牌跟餐飲品我仲熟過佢。2. 家人叫左兩客蛋包飯。其中一客跟雞扒，食到中間發現件雞唔熟，不過餐廳換過一塊比我地。仲有個飯應該叫蛋蓋飯而唔係蛋包飯，因為只係煎好塊蛋餅鋪在炒飯上面。但問題不大。3。皇牌焗肉醬意粉。枉佢叫皇牌。我話係全場最難食。上枱時意粉在錫紙兜裡，但個錫紙兜完全唔熱又無焗焦的一般情形，何來有焗的效果？撈勻來食，感覺肉醬比較少。一入口，好清啖，仲食到意粉用水煮果浸味，即係意粉還意粉味，肉醬又無咩茄膏味，我地要自己另加茄汁。飲品：一般，冷飲及熱飲味道都比較淡。平時好少會寫食評，但因為感覺太差，希望餐廳除左用明星效應之外，食物都有一定水平。