魷味 (已結業)

我係好鍾意食玉子燒的，所以知道葵廣有呢間店 我已經放左落自己掃街名單度，見到個menu 十樣九樣我都想食，真係人都癲呀!!諗左一輪最後我揀左加煙肉見到佢咁多汁真係流曬口水，佢最抵讚係連上面蟹籽都不吝嗇落足料，切開就見到芝士滿瀉 中間仲有煙肉～個蛋因為剛整好所以好熱，佢真係好軟熟亦有蛋香，一口食曬咁多層真係好滿足另一邪惡軸心就係炸壽司!!佢炸都算，仲落左好多香口調味粉，加上佢一件細細舊，一口搞掂!炸左的蟹柳🍣外層香脆裡面還有少少軟糯飯香，唔怕肥就真係要叫。至於朋友就買左爆辣鮮魷，齋睇顏色都知佢辣，不過我朋友超食得辣 佢就覺得差不多，都幾入味。