芝士焗肉醬配蘭王蛋飯
招牌焗飯之一，焗飯上枱時飄住陣陣芝士香氣，面頭仲有隻好juicy嘅蘭王蛋冚面，飯底係炒飯底，炒得幾粒粒分明，味道方面，炒飯底本身有少少咸香，焗飯汁酸甜味岩岩好，撈埋蛋黃一齊食會更加juicy
蔥油香煎龍躉球炒飯
本來同行朋友想試一下另一招牌肉餅飯，不過見到餐牌近期推介竟然會有龍躉球炒飯，魚控嘅朋友就轉左食炒飯啦，試左佢龍躉球，味道好出色，有椒鹽咸香，又有少少孜然味道，炒飯底粒粒均勻同乾身。
鐵觀音奶茶
由台妹主理，正宗台灣風味，喜歡重奶味的朋友一定會喜歡，奶味十分香濃，但不會很甜，有淡淡茶香，完全沒有茶澀味，雖然餐廳不是主力賣飲品，但飲品比很多台式奶茶店更出色，而且價錢不貴，抵飲。
椰芒奶茶
芒果同奶味都很濃，茶味不重，沒有澀味，好似芒果椰子奶一樣，但是很好喝，同樣推薦喜歡重奶味飲品的朋友一試。
即炸魚肉燒賣
表皮炸得香脆而不會硬，入面能保持軟熟，沙嗲汁咸中帶甜，點了更好味。
