大家樂 (永德大廈)

營業中

休息中

焗豬扒飯係我其中一樣喜愛嘅食物。前幾晚就嚟咗位於土瓜灣北帝街嘅大家樂食晚飯，見有焗豬扒飯，當然唔會錯過啦。所以就點咗一個厚切焗豬扒飯配熱鴛鴦，一共$47。焗豬扒，非常大塊同厚切。表面加有蛋漿，食落一啲都唔鞋口，而且入味得嚟肉汁好豐富。配料有菠蘿粒、番茄及青豆，個番茄醬汁非常惹味，飯亦係炒完之後先至攞去焗，所以特別香口。呢個焗豬扒飯我絕我覺得絕對冇得輸。熱鴛鴦味道亦好唔錯。呢度嘅焗豬扒飯，我絕對會再返嚟幫襯。