十二味不只是烤魚 (已結業)

我同男朋友仔超中意食烤魚𓆟有位前輩住呢頭附近成日食，於是推薦呢間烤魚叫我地去試下，今日放假就同男朋友仔黎左呢邊食晚飯🌙6點左右黎到呢度，唔算好多人，眼見檯桌都幾闊落下，坐得都幾舒服，環境唔算太差都幾乾淨下，服務態度唔錯，禮貌都幾好，一坐低姐姐就送上兩杯檸檬水🍋，見我地冇水，唔洗叫已經主動幫我地加水👍🏻我地點左一條江團魚🐠另外有炸魚皮魚腐同金針菇🍄等左10-15分鐘左右就有得食啦😍滾起之後香味撲鼻，魚肉夠滑夠嫩，不過就嫌唔係好夠辣，我地比較變態可以食得好辣🌶🌶🌶🌶🌶味道唔差，夠香，個人認為好食過探魚好多😋。推介魚皮，因為魚皮真係超好食，夠曬香脆，加米辣汁一流🤤🤤🤤冇伏👍🏻會有下次，下次黎試下酸菜魚先🤔。