成都小巷 (已結業)

麻辣烤魚食得多，但從來都係去鋪頭度食，呢間位於九龍灣嘅四川成都小巷，就可以外賣自取，十分方便。這間餐廳可以堂食，有雞煲放題同埋烤魚放題，好多配菜任食都係百幾蚊， 非常超值。最爽嘅就係可以外賣返屋企開party， 成條鯇魚拎返屋企都係百幾蚊！ 而且外賣質素非常之唔錯， 夠麻又夠辣， 翻熱又夠簡單， 簡直做到即開即食！如果食得辣嘅朋友， 個人推薦大辣， 如果唔太食得辣嘅， 都係叫番小辣穩陣啲。至於條魚嘅份量， 就算係不過不失， 幾個人一齊食， 加多少少粉麵都夠飽。