知魚知樂 (已結業)

朋友生日，佢好鍾意食烤魚，我就請佢去黃埔知魚知樂食烤魚慶生，餐廳地方整潔乾淨，主打烤魚和串燒。蒜香酸菜味烤魚，寫明金黃選香，不辣之選，唔食得辣嘅我當然係揀呢個，魚有兩款選擇，揀咗清江魚，一大鍋烤魚上枱滾住食，面層鋪滿蒜蓉和酸菜，魚肉外層微焦，肉質白嫩多汁，入口鮮香濃郁，配菜有金菇，蓮藕，土豆同娃娃菜，十分豐富。加少許湯就可以食埋火鍋，加咗鴨血片和豆花，兩樣口感都係滑嫩，浸左湯底食都好好味！串燒同樣出色，蜜汁雞中翼燒得啱啱好，皮脆肉嫩，灑滿香料好夠味。蒜蓉烤茄子，茄肉滑糯，蒜香味十足！燒粟米味道香甜。花生醬拌麵，醬香濃郁，麵質彈牙，十分滋味！芝滋香芒，芝士加埋香芒真係好夾，面頭嘅芝士奶蓋超級厚，飲落鹹甜適中。