我要烤魚串燒烤魚專門店 (已結業)

第一次食烤魚😍香港超好食既烤魚啦‼️之前未食過以為好普通，咁我就錯曬！呢度主打烤魚，食左佢地既萬洲香辣鱸魚真係返唔到，轉頭🤣條魚大大條份量十足，原條炸過外脆內香軟幼滑，肉多骨少放心食。我簡佐bb辣，愈煮愈香好惹味！烤魚仲有六種附送既配菜，好抵份量好多好夠食。配菜有土豆、蓮藕、荳芽、萵筍。食完梗係要叫加湯打邊爐，由於湯底香，淥咩都會好好食😍推介手切美國牛小排，睇樣都知靚，脂肪紋理清晰，雪花架❤️輕輕淥一陣就食得，油脂充足牛味夠香好正呀。包漿豆腐好正啊，諗住落少少冇咩味嘅配料，清一清味道，豆腐吸收晒湯汁嘅香辣超好食！手打墨魚滑非常之唔錯份量好多，咬落去彈牙咬到粒粒墨魚😆除此之外，非常推介佢哋嘅百香果水果茶，底部有啲水果，酸酸甜甜，食咁重口味嘅嘢，清一清就啱晒啦！由於好飽，所以冇試串燒，下次可以再試吓