影片
更多
2021-12-08
24 瀏覽
傷心酸辣粉 (聯和道)地址: 粉嶺聯和道57-63號嘉和軒地下6號舖電話: 25989288🔹🔹🔹🔹🔹🔹🔹🔹🔹🔹🔹🔹今日有啲嘢做同朋友入咗粉嶺。一落車，嘩！新界真係低兩度喎。離遠見到 🛑傷心酸辣粉🛑 個牌，諗住食碗酸辣粉暖下個胃啦。「依？有放題嘅？」原諒我孤陋寡聞，真係唔知原來傷心酸辣粉做埋烤魚 / 雞煲放題。價錢又幾抵喎（$9️⃣9️⃣ / 位），仲要免加一，所以即刻轉軚試下啦。雞煲烤魚有好多款，任君選擇，招牌雞煲、滋潤雞煲、藥膳雞煲、肉骨茶煲、胡椒豬肚雞煲，皇牌烤魚。兩位可以揀一款，四位可揀兩款。招牌雞煲同烤魚仲有唔同嘅湯底揀。有辣有唔辣，fit晒唔同人嘅需要。唔好再講「吓？我唔食辣㗎喎！」。我地選擇咗💫皇牌烤魚配招牌豆花味魚🐟嘅size 幾有分量，肉質嫩滑唔嚡有光澤，啖啖肉唔算多骨，條魚過過油所以魚皮香口。配上花椒，豆花，蔥嘅辣湯底，麻辣香味撲鼻，啖湯亦都非常惹味。不過注意番，條魚熱咗之後盡快食，因為煮得耐肉質會硬實架啦，嗱嗱聲食完條魚先食出面任食果啲啦！💫黃金花枝丸（$18/6位）炸過嘅花枝丸但一啲都唔油，金黃嘅外皮幾脆口，咬落啲肉結實爽口唔會霉。💫火鍋配料丸類有芝心丸、墨丸、龍蝦丸、
地址: 粉嶺聯和道57-63號嘉和軒地下6號舖
電話: 25989288
🔹🔹🔹🔹🔹🔹🔹🔹🔹🔹🔹🔹
今日有啲嘢做同朋友入咗粉嶺。一落車，嘩！新界真係低兩度喎。離遠見到 🛑傷心酸辣粉🛑 個牌，諗住食碗酸辣粉暖下個胃啦。
「依？有放題嘅？」
原諒我孤陋寡聞，真係唔知原來傷心酸辣粉做埋烤魚 / 雞煲放題。價錢又幾抵喎（$9️⃣9️⃣ / 位），仲要免加一，所以即刻轉軚試下啦。
雞煲烤魚有好多款，任君選擇，招牌雞煲、滋潤雞煲、藥膳雞煲、肉骨茶煲、胡椒豬肚雞煲，皇牌烤魚。兩位可以揀一款，四位可揀兩款。招牌雞煲同烤魚仲有唔同嘅湯底揀。有辣有唔辣，fit晒唔同人嘅需要。唔好再講「吓？我唔食辣㗎喎！」。
我地選擇咗
💫皇牌烤魚配招牌豆花味
魚🐟嘅size 幾有分量，肉質嫩滑唔嚡有光澤，啖啖肉唔算多骨，條魚過過油所以魚皮香口。配上花椒，豆花，蔥嘅辣湯底，麻辣香味撲鼻，啖湯亦都非常惹味。不過注意番，條魚熱咗之後盡快食，因為煮得耐肉質會硬實架啦，嗱嗱聲食完條魚先食出面任食果啲啦！
💫黃金花枝丸（$18/6位）
炸過嘅花枝丸但一啲都唔油，金黃嘅外皮幾脆口，咬落啲肉結實爽口唔會霉。
💫火鍋配料
丸類有芝心丸、墨丸、龍蝦丸、蟹子丸、豬肉丸、牛丸、魚蛋、魚腐
肉類有豬肉、肥牛、雞件
蔬菜類有冬瓜，娃娃菜，蓮藕、薯仔、金菇等等
另外仲有燒賣，芋頭、雞腳、蟹柳、芝士腸、豆卜、豬紅、薯粉等等… 種類繁多，梗有啲款啱食！
我最愛娃娃菜，因為佢索晒啲辣湯底😋😋。
💫熟食
其實呢個放題真係好抵食，除咗烤魚打邊爐，任夾大量火鍋配料，仲有小食任食。我呢120分鐘入面，有唔同嘅小食不停refill ，有蒜泥青瓜，土豆絲，滷水雞翼尖，滷水雞腳等。我拎咗蒜泥青瓜，青瓜好清甜，新鮮脆卜卜。
💫飲品
飲品種類包羅萬有，除咗汽水，仲有有汽檸檬茶、紙包飲品包括烏龍茶、蘋果綠茶、冬蜜青檸等等、楊協成荔枝水、冬瓜茶，仲有鬼佬涼茶啤酒任飲。幫我降辣解熱氣。
餐廳設有醬料區，提供唔少嘅調味佐料，豉油、蔥、辣椒、蒜、芫荽，俾客人再調配自己嘅專屬口味。不過我覺得湯底已經非常夠味，所以我就無再加醬料喇。
最後仲每人一盒維他奶牌豆腐花，幫手下一下火。😁
6點前離座$7️⃣9️⃣/位 （90分鐘）
6點後都只係$9️⃣9️⃣/位，仲可以食成120分鐘！
2個人夾埋$200有找，食到捧住個肚落樓！食物質數都唔差！性價比真係好高👍🏻👍🏻👍🏻👍🏻👍🏻
整體好食指數：🤤🤤🤤🤤🤤（5/ 5）
🔹🔹🔹🔹🔹🔹🔹🔹🔹🔹🔹
張貼
