我要烤魚串燒烤魚專門店 (已結業)

烤魚真系百吃不厭，我要烤魚分別位於銅鑼灣同旺角，揀咗旺角呢間試試，因為可以順便食埋陀地燒嘅串燒，小朋友才會選擇邊一間好，我全都要😎✿ 重慶麻辣烤清江魚 $298重慶麻辣有分BB辣，大中小辣，我地揀咗小辣。個人覺得小辣都夠辣🔥當然好食得辣嘅人可以叫中辣/ 大辣，清江魚新鮮嫩滑🐟本身已有娃娃菜 蓮藕等配菜喺入面，食材豐富。✿ 手工美國牛小排 (半份) $68美國牛小排喺牛肉黎講做到油脂分佈均勻，牛肉口感滑溜中帶嚼勁🐮同時吸收咗辣湯底，辣得黎又幾滋味。✿ 甜蜜燒菠蘿 $8個名好搞笑😂菠蘿又真系好香甜，咬落又多汁，果然夠甜蜜蜜🍍✿ 燒五花腩 $14五花腩油脂豐富，肉質肥美🐷✿ 陀地牛肉串 $20牛肉串燒得好香，牛肉味香濃🐮口感實在，不愧為陀地燒招牌菜。✿ 手工雞皮串 $12手工雞皮串好脆卜卜🐔表面灑上孜然粉，更增添香氣。✿ 陀地燒生蠔 $12$12一隻生蠔好抵！表面有大量蒜蓉，蒜蓉控表示滿意😆🧄生蠔肥美多汁。