烤魚叔叔 (已結業)

呢度既裝修同內地餐廳有啲似，都係簡單裝修為主，工業風裝修，着重食物質素。🌼蒜香酸菜金溫烤魚我地食既係清江魚，清江魚肉質鮮嫩，非常可口，魚骨勁少，得主要一條主骨，岩晒一家大細去食，魚肉又好鮮甜，呢個唔辣既味道就更加食到魚肉既鮮味，滿滿既蒜蓉同酸菜令湯底咸酸味十足，好開胃，魚肉吸晒啲味，酸酸地更加鮮，完全唔辣可以放心咁食！🌻魚腐呢度都有唔同既配料加落去酸菜魚入面，而呢度既魚腐就幾特別，魚腐長長一條，薄薄既腐皮包住彈牙既魚肉，淥完吸收晒湯既香味，咸咸酸酸，魚腐又夠煙韌，口感味道都好好！🌸串燒串燒呢度都多選擇，我地試佐四季豆，司華力腸同豬肉，四季豆夠爽脆鮮甜，司華力腸大大條又夠脆皮，豬肉燒完都仲好嫩好腍身，全部串燒都好香好食！