烤魚叔叔 (已結業)

烤魚食佐香辣烤魚，食江團魚，認真無骨，淨係食到魚肉，魚肉仲要勁嫩，好滑，好鮮味，一啲都唔腥，魚香味滿分，辣椒炒過再放湯，香辣味升華到另一層次，香濃鮮辣，魚肉愈食愈覺得辣，超級過癮！！配料食佐唐生菜同娃娃菜，兩款菜都好新鮮，清甜味美，放湯吸收啲辣味，更加濃味，非常吸味，正到爆炸！串燒食佐魷魚鬚，魷魚鬚一串串幼幼地，一串有好多條，燒到好脆，又爽口彈牙，少少辣，多多趣，至尊串燒！最中意呢度係烤魚既爐會一直有明火熱住，咁就唔怕食食下會被冷氣吹凍，一直都係新鮮熱辣咁食，保持到原汁原味！