我要烤魚串燒烤魚專門店 (已結業)

香港有唔少烤魚店，呢間比較特別，除咗有多款烤魚口味之外亦有串燒供應，一次過滿足兩個願望～ 晚上到訪大排長龍，座位闊落，坐得舒適，環境清潔，適合聚餐。烤魚有辣有唔辣，有鱸魚同清江魚，番茄口味酸甜開胃，仲有大粒番茄同粟米。清江魚外層酥脆，口感嫩滑，油香十足。鍋裡已包含六款菜組合，土豆片、豆腐、娃娃菜等，吸飽湯汁，正。整體串燒性價比高，大件夾抵食，雞翼嫩滑可口且夠惹味、叉燒出面比較少見，肥瘦適中、茄子好大一條，打卡able又好味、生蠔大粒飽滿、菠蘿十分解膩、最值得一試係黃金奶皇包，炸至金黃酥脆，內餡鬆軟，餡料飽滿，好有驚喜。