呢日 #首領 帶我哋嚟到 #天后 一間 #放題「燒肉屋」，等大家可以吃個飽！甚少假日中午舖頭嘅我，感覺周圍環境異常清靜！仲諗住會遲到嘅我哋，點知係最準時嗰幾個🤭 餐廳地方唔算大，燈光都比較暗，加上個女店員說話比較倔... 第一個感覺認真麻麻😅
放題限時3粒鐘，為咗爭取時間，雖然主角未到，我哋一於唔執輸... 食住等🤭 飲品除咗一般嘅 #紙包飲品 同 #汽水，#清酒、#梅酒，同 #紅白酒 都係任攞嘅，只可惜我哋無人識欣賞😅 唯有向食物進攻！餐牌上嘅食物選擇都唔少，#牛肉、#豚肉 唔算太過出色，不過以任食嘅質素，算係唔錯㗎啦！如果大家同 #小秘書 一樣都鍾意食海鮮，不妨叫多啲 #元貝 返嚟慢慢燒，喺肥美肉厚元貝加上 #牛油 🧈 一齊燒，零舍香口🤤
除此之外，佢哋仲有 #大蝦、#鰻魚、#鵝肝多士... 各種各樣嘅 #熟食 無限量供應，食得到嘅一定可以回本💰 不過成餐飯最令小秘書興奮嘅居然唔係主打 嘅 #燒肉🍖，而係 #榴槤 放題 🤭 講真粒 #榴槤核 又真係大咗啲嘅，不過勝在果肉夠甜，雪得凍凍地，啱晒我口味🤤
雖然呢個價錢對於唔飲酒嘅我哋，確實有啲貴，不過難得大家都食得開心，偶爾豪吓都冇所謂嘅🥳🥳
📍#燒肉屋 (天后) 清風街10號清風大廈地舖
4
