影片
更多
2019-03-06
111 瀏覽
台式飲品唔知點解好似有種魔力咁，成日耐唔耐就想飲，所以今次黎開cwb就決定試下呢間丸作食茶。呢間既野飲無分size，比我想像中細杯，但價錢對比依家啲台式飲品黎講都唔算貴既，啲過江龍閒閒地都三十幾，呢間好在都叫唔過三十。今次叫左烏龍奶茶配焦糖珍珠同抹茶拿鐵，兩杯都係走冰微糖，甜度同冰度我覺得唔錯，係我鍾意既甜度。之後分別講下兩杯野既質素。1.烏龍奶茶茶味唔算好濃，但都算夠茶味，而且有烏龍茶嗰陣獨特既茶香，唔會比奶味遮左，茶味同奶味大概一半一半，我覺得唔錯。就咁叫烏龍奶茶好似$20，都算抵飲，之後可以加錢要珍珠，咁我就保守啲試下個焦糖珍珠先，見佢有可可珍珠同仙人掌珍珠呢啲，不過我驚中伏就無試。我見呢間野主打手好似係珍珠，但我試左個焦糖珍珠又覺得無咩特別，一黎無乜焦糖味，二黎唔算話特別有咬口，同一般嗰啲差唔多，同埋佢啲珍珠有一個好大既問題，就係大粒到會塞住枝飲管，飲到中半塞到飲唔到，呢到大扣分。有乜理由你整珍珠嗰時無預過你地枝飲管既粗度，以一間主打珍珠既鋪頭呢個位真係差啲。2.抹茶拿鐵呢個抹茶拿鐵真係好失望，完全都唔係抹茶沖既，佢陣味係完全唔抹茶，似係平價綠茶粉既味。我第一啖飲係嚇親，因為完
1.烏龍奶茶
茶味唔算好濃，但都算夠茶味，而且有烏龍茶嗰陣獨特既茶香，唔會比奶味遮左，茶味同奶味大概一半一半，我覺得唔錯。就咁叫烏龍奶茶好似$20，都算抵飲，之後可以加錢要珍珠，咁我就保守啲試下個焦糖珍珠先，見佢有可可珍珠同仙人掌珍珠呢啲，不過我驚中伏就無試。我見呢間野主打手好似係珍珠，但我試左個焦糖珍珠又覺得無咩特別，一黎無乜焦糖味，二黎唔算話特別有咬口，同一般嗰啲差唔多，同埋佢啲珍珠有一個好大既問題，就係大粒到會塞住枝飲管，飲到中半塞到飲唔到，呢到大扣分。有乜理由你整珍珠嗰時無預過你地枝飲管既粗度，以一間主打珍珠既鋪頭呢個位真係差啲。
烏龍奶茶加焦糖珍珠
$25
36 瀏覽
0 讚好
0 留言
2.抹茶拿鐵
呢個抹茶拿鐵真係好失望，完全都唔係抹茶沖既，佢陣味係完全唔抹茶，似係平價綠茶粉既味。我第一啖飲係嚇親，因為完全唔係抹茶味，以為佢比錯左我，所以同左店員問佢係咪沖錯左，之後佢沖過第二杯比我，但都係嗰陣味，我就知應該係佢地隻抹茶粉既問題。呢杯抹茶拿鐵$26，完全唔值呢個價，我覺得頭先杯烏龍茶高質好多，重要平6蚊。
抹茶拿鐵
$26
46 瀏覽
0 讚好
0 留言
我覺得呢間野啲奶茶應該唔差既，同埋都見到好多正評，但抹茶拿鐵真係大伏，陣味怪到飲兩啖就想dum左佢。珍珠方面我覺得小失望，見到佢鋪頭重有部珍珠機係到比人睇製作過程，雖然我去嗰時無開到，但都搞到我對佢地既珍珠有啲期待，都知係咁普通，重要塞住飲管，早知就咁飲烏龍奶茶算…如果就咁叫烏龍奶茶我應該都會比正評，依家我最多因為杯烏龍奶茶所以唔比負評。
張貼
