味彩 (已結業)

因為要開OT,所以同同事黎呢度開餐。我自己要左個鯛魚汁稻庭湯烏冬,經女侍應介紹,話係先煎鯛魚,用煎起既汁做湯底,再配以手打稻庭湯烏冬,我覺得幾特,別所以一試,份量有一鍋咁多,且製法用心,悝不得要$128(+!0%)一客。味道方面,個湯底最正,好夠魚味,而且唔油,稻庭湯烏完全唔似湯烏,唔係粗身,而係扁平,似麵多過似烏冬,不過真係幾滑幾好味,而且仲有兩件魚,但係可能魚味入晒湯,魚肉變得少左魚味。唯一要彈,係等得太耐喇,超過半個鐘先到,係所有野當中最遲既,希望可以改善。另外試左同事個食既燒牛柳,係一粒粒,真係唔錯,又唔靭,易咬易入口,有少少辣,我覺得呢個幾好!仲試左一個由侍應介紹既紙米卷,反而覺得一般,只係用紙米包住飯,飯就捲住蟹肉同青瓜絲,一碟有六件,味道係同好普通果d壽司卷一樣,不過個侍應就話蟹肉係新鮮,所以特別唔同喎!講真,我食落個味道同蟹柳一樣…再試埋炸豆腐,個最正,好香好脆,又夠熱,個心既豆腐就又軟又滑,不過都幾油架,而且又大件呢,食一件已經好夠咯(一客有四大件)!呢個值得試下!同事要左個加州手卷,佢話普通,但勝在紫菜夠新鮮。雖然侍應好殷勤,會主動介紹菜色,有問必答,又不時走過黎問