影片
更多
2008-10-14
41 瀏覽
13-10-2008又再一行勁多人掃場, 今次食潮州菜, 0黎到我屋企附近! - 先0黎兩款冷盤小食: 海蜇頭夠爽脆, 配上生蒜粒及帶麻油香的醬汁, 幾惹味, 好食; 鯇魚皮賣相晶瑩剔透, 食落又滑又爽, 食唔停口!- 錦繡大肆併: 5 款都係炸物, 熱辣辣十分香口. 蝦棗十分彈牙, 蟹棗就較腍身, 不過兩樣都鮮味, 好食; 發財卷第一次食, 其實即係用腐皮卷住髮菜 (?), 質感好鬆化, 幾得意; 炸豆腐落了少量紅蘿蔔絲及疑似係冬菇的黑色0野, 幾有豆香, 但稍油膩; 細個食過的福建 style 粿肉係腐皮卷入豬肉, 肥豬肉碎, 馬蹄粒及冬菇粒 etc 油炸, 呢度的潮州 style 酸甜粿肉亦差不多, 不過就係「咕嚕版」, 賣相同咕嚕肉幾乎一樣之餘, d 汁亦「咕嚕」得很. 而蘸炸物的桔油質地幾稀, 不過夠香甜, 不錯.- 鹵水鵝: 為呢味而來, 當然唔會錯過... 皮滑肉嫩的鵝件, 索滿香得很的鹵水汁, 味道醇厚, 十分好食! 墊底的豆腐亦正, 又滑又入味. 我覺得呢度的鹵水比樂口福仲正, 值得試試!- 鹵水鵝肝: 煎 foie gras 就食得多, 呢個中式的
又再一行勁多人掃場, 今次食潮州菜, 0黎到我屋企附近!
- 先0黎兩款冷盤小食: 海蜇頭夠爽脆, 配上生蒜粒及帶麻油香的醬汁, 幾惹味, 好食; 鯇魚皮賣相晶瑩剔透, 食落又滑又爽, 食唔停口!
- 錦繡大肆併: 5 款都係炸物, 熱辣辣十分香口. 蝦棗十分彈牙, 蟹棗就較腍身, 不過兩樣都鮮味, 好食; 發財卷第一次食, 其實即係用腐皮卷住髮菜 (?), 質感好鬆化, 幾得意; 炸豆腐落了少量紅蘿蔔絲及疑似係冬菇的黑色0野, 幾有豆香, 但稍油膩; 細個食過的福建 style 粿肉係腐皮卷入豬肉, 肥豬肉碎, 馬蹄粒及冬菇粒 etc 油炸, 呢度的潮州 style 酸甜粿肉亦差不多, 不過就係「咕嚕版」, 賣相同咕嚕肉幾乎一樣之餘, d 汁亦「咕嚕」得很. 而蘸炸物的桔油質地幾稀, 不過夠香甜, 不錯.
- 鹵水鵝: 為呢味而來, 當然唔會錯過... 皮滑肉嫩的鵝件, 索滿香得很的鹵水汁, 味道醇厚, 十分好食! 墊底的豆腐亦正, 又滑又入味. 我覺得呢度的鹵水比樂口福仲正, 值得試試!
- 鹵水鵝肝: 煎 foie gras 就食得多, 呢個中式的都係第一次食... 鵝肝幾豐潤, 雖然唔算軟滑, 但味道甘香, 加上鹵水汁本身好掂, 好食. 值得試0下! 不過鵝頸 / 鵝頭, 就恕我唔識食了.
- 潮式荷包鱔: 係用春菜包住白鱔, 紮起, 再放落鹹菜湯內燉煮, 真係多功夫... 白鱔 d 魚油多到 @_@", 魚肉食落鮮甜, 不過因為好多骨,「輪」了好耐好耐; 春菜帶點西洋菜 feel, 幾老0下, 唔係好咬得開喎 啖湯就好鹹, 飲了一啖就放棄了.
- 金鋰蝦: 據聞係呢度師傅的 secret recipe, 原來係混了芹菜及芋蓉炸的大蝦... 隻隻炸得金黃色又脹卜卜, 食落極彈牙, 不過太鹹了, 蓋過了鮮味, 可惜. 話雖如此, 呢個蝦仍然幾好食, 值得試試.
- 石榴雞: 的的骰骰十分精緻, 蛋白皮富彈性, 餡料就係 standard 的雞丁芹菜冬菇 etc., 仲有幾多又幾杰的芡汁. 其實我唔太鍾意食石榴雞的, 唔講太多了.
- 鹹菜胡椒豬肚湯: 食唔得辣, 所以覺得好 x 辣, 飲了幾啖已頂唔順 @_@ 不過就食了兩件極度胡椒的豬肚, 睇0黎 d 黑椒真係釀了好多入去喎.
- 紹菜卷: 腍腍甜甜的紹菜包住蝦肉蟹肉, 食落鮮味又清新, 好正! 另外冬菇亦好食, 值得試試.
- 芋蓉鵝: 十分酥脆, 芋蓉香, 加埋粒粒鵝肉, 好食. 川椒葉炸得脆口, 不過都真係好油0下.
- 炒魚麵: 魚麵好彈牙, 魚味一般, 加埋配料, 食落幾淡口, 不過加少少辣椒油立即香好多好多!
- 春菜煲: 咦? 無食到 tim!
- 甜品 (1) 反沙芋: 好熱, 一路食 d 糖不停一塊塊剝落, 幾脆但內唔軟, 真係 -_-"
- 甜品 (2) 薑薯清心丸綠豆爽: 可能食0左反沙芋, 所以覺得呢個唔甜... 薑薯味道似淮山, 但食落 sok sok 聲, 同上次創發 (詳見 http://www.openrice.com/restaurant/commentdetail.htm?commentid=1904796) 0個隻黏黏韌韌又幾似海底椰的比, 好唔同. 其實點先係正宗的薑薯糖水?
環境係街坊酒樓格局; 招呼就十分好, 唔知平日自己0黎會唔會都係咁?
埋單 $230 一個頭, 比創發仲貴, 而雖然呢日主要食功夫菜色, 但除0左隻鵝之外, 食材唔係咩貴0野, 感覺上無咁抵... 不過點都好, 係食得好開心的一晚, 多謝食友 I 的安排!
張貼
