為食龍 (已結業)

之前黎過為食龍食晚餐，今日第一次黎試試午餐。餐廳位於中環Soho區，入口係地下。餐廳兩層高，入到門口店員俾個數字牌我，自己上樓梯之後由店員帶位。裝修以恐龍同森林為主題，幾有玩味。午餐餐牌由12點到3點，價錢由$129至$208不等，包伴菜，茶同主菜，有7款揀，有熱有凍主菜。另外可加錢要三文魚刺身，咖啡或特飲。仲有甜品可以叫。果然午餐抵過晚餐好多。一人前鰻魚蛋包飯定食 $136 另加一鰻魚蛋包飯有成半條大鰻魚，下面係超多滑蛋，上面灑上好多加左鹽嘅紫菜絲。滑蛋下底係白飯，其實似係滑蛋蓋飯多啲。鰻魚暖笠笠又彈牙啖啖肉。滑蛋夠滑，份量唔少。加左鹽嘅紫菜絲記得要撈埋白飯一齊食。三色半刺身丼定食 $138 另加一三色刺身分別有蟹膏，吞拿魚蓉，同三文魚腩，半刺身應該係指三文魚籽。呢個價錢居然有蟹膏食，抵！刺身蓋滿飯面，份量夠足，中間仲加左紫菜。吞拿魚蓉上面灑上少少黑白芝麻粒同蔥花，質素不俗。三文魚腩兩塊，都好肥美。蟹膏本身帶少少鹹香，送飯正，原來蟹膏都撈左少少蟹柳絲，都幾特別。飯粒較乾身，帶微微醋味。跟餐伴菜係魚肉腐皮同蒜蓉昆布，幾豐富喎。跟餐茶係冷泡茶，茶香十足。意想不到牛角包窩夫配雪糕 $88