沙嗲王 (MPM文華商場) (已搬遷) 新店位置

响FB沙嗲王的專頁睇到佢地响MK MPM商場新開張左一排,環境頗大,頗舒適咁,成日想去.早論三人行來過一次食下午茶覺得好正.今天有事出旺角辦,順度又走上來食吓嘢.記得小時候,最愛幾個家人定期齊齊去MK山東街,荃灣沙嗲王食佢的白咖喱豬扒飯和小食.人漸長,食店的選擇多左好多,幫襯沙嗲王的次數係少左好多了.平日自己幾個月才去一次銅鑼店或MK山東街老店食吓中午或下午茶.有次見朋友响FB寫佢食個雞脾大大份餐都好好味.於是自己又走去食,確實好正招牌美食~白咖喱豬扒飯,凍檸茶,真係最滋味的配搭個汁做得好好,有洋蔥好香,夠味而不會點辣,啱我地只食到bb辣的人.送飯一流,豬扒也入味好食.寫緊食評睇見美食相都回味,都好想宜家再去食呀要加一的,但埋單又會送返現金劵,食物有一定的質素,覺得幾抵食的.其實幾恨坐入d的梳化位,好舒服咁.上次三人來食時,已坐滿晒無得坐.今次一支公來食,就唔俾坐.都理解的.唯有寄望下次人多來食時坐到喇.埋單有粒薄荷糖,自己好喜歡佢粒糖,好味道mk好多店都好多人幫襯不能久坐,這店都多人來食,平日下午茶都有七成人,星期六下午茶都有九成人.兩次來都可以坐好耐又無人趕.確係舒服又有美食的食店