Grotto

營業中

休息中

路過的時候被一幅藍色的牆吸引，繼而再聞到咖啡味，就決定買杯咖啡試下。咖啡店位置少少有趣，因為之前都係唔係做食肆，但係又係一條上班族會經過嘅路，相信之後都會有唔少人要嚟買咖啡因走。認真講，呢排試過幾間咖啡，有好飲但亦都有好伏，完全打擊我試新咖啡嘅欲望，但係呢間咖啡試過後確實令人眼前一亮，可以講得上係附近咖啡店中嘅前列位置。Tropical Mango Infusior $58聞落已經有水果香氣，入口都真係有果味，相比下果味會出過咖啡，但咖啡又同時好好飲，如果鍾意果味嘅可以試試，After taste仲keep到個果香味，有驚喜！Dirty Hojicha $45估唔到Dirty都有得揀味，見到有焙茶味就即遢。入口已經有好濃嘅焙茶味，同時飲到奶香同咖啡，估唔到呢三樣加埋係咁夾。🔅 Kazan Seki 火山石 $30份量比想像中大個，總共有4款，今次揀焙茶麻糬scone，咬一口有滿滿嘅焙茶味，不過就有少少乾，可能加埋果醬同奶油會再好食啲，麻糬煙韌，一齊食口感都幾得意。