鍋呵呵 (已結業)

今次專為了椰子雞煲來的............香港人嘛，大熱天時當然又會去打邊邊啦，香港特色來的！第一次來，所以只叫了個套餐，初初以為唔夠食，點知其實都幾飽的！可惜9點後只有單點才有九折！我們的套餐是沒折又要加一的！椰子湯水滾後，店員即來幫忙把半隻雞倒進湯內，他說滾後六分鐘就可以，最後四分半就同我們說食得🤔安全計.....當然飲湯先啦，湯幾清但亦有椰子雞的味道，不要期望像煲湯般咁濃，亦試了加點青檸汁，原來真的超正！雞還可以，可能滾得太勁，雞胸已有點鞋，因為之前食過某食店，有專人及timer計時，所以雞超嫩！食完雞可以開始打邊邊，原來加湯要收錢，所以店員只會幫忙加水咋！肥牛/豚肉/蝦/花膠/蠔/象拔蚌仔/帶子/北寄貝/丸........其中蝦是最正，新鮮彈牙；象拔蚌仔也新鮮，只是有點沙；肥牛軟腍！而帶子及北寄貝像是不夠新鮮的刺身，所以作火鍋用途，還加了點檸檬去腥，有點怪怪的！至於蔬菜有皇帝菜/黑木耳/菇菌/豆腐/冬瓜/淮山......我最喜歡是豆腐及冬瓜！調味料是不用額外收費，仲要是任拎唔嬲；而家仲有酸梅湯及竹蔗水任飲！提提大家：只收現金