家賀屋

連我自己都估唔到我有幾鍾意嚟呢度食飯😂食物同服務真係好好，同埋我最念念不忘嘅係佢哋嘅刺身，真係新鮮即叫即切，作為龍蝦迷嘅我，知道佢哋有龍蝦刺身，為咗佢，所以再嚟食飯🙈🦞活伊勢龍蝦刺身因為有6折，300幾蚊就食到新鮮即叫即切嘅龍蝦刺身，鮮甜到不得了，肉質爽口彈牙，加埋柚子醋酸酸甜甜，更加可以帶出龍蝦嘅鮮甜🍣海膽龍珠卷濃郁醬油漬蛋黃加埋鮮甜本鮪魚腩蓉同海膽，加埋金箔成件事高貴晒，好食又好睇，必試呀！🦑海苔脆醬魷魚之前喺灣仔分台店食過又係一定要再叫系列，魷魚唔會炸到一團粉，金黃香脆，加埋檸檬汁同沙律醬，咸咸地微微酸，又炸得夠香口，好正🍣壽司🦐黑松露特大赤海蝦｜赤海蝦鮮甜，肉質爽脆，黑松露味夠重，呢個我都好鍾意🐟 火炙左口魚裙邊｜一如以往，火炙過可以帶出魚肉嘅油脂香氣，口感鮮嫩，入口即溶🐔汁燒免治雞軟骨棒又係有encore item😝掃上濃郁嘅日式照燒醬汁壽燒，外層焦香微甜，內裏口感豐富，加埋雞軟骨口感豐富🥟鷄皮餃子用雞皮代替傳統餃子皮，雞皮嘅油脂滲入餡內，口感外脆內多汁，香氣濃郁，記得加埋蘿蔔蓉一齊食，更香且無咁膩🫜高湯煮大根健康解膩之選，蘿蔔又淋又入味🍰開心果巴斯克蛋糕除咗龍蝦刺身，佢就係