文華扒房及酒吧

文華扒房嘅威靈頓牛柳出名大家都知，但平時去文華扒房叫威靈頓牛柳一定要二人分起，講真真係唔會有人會同我一齊癲，咁啱上文華東方嘅官網睇到佢哋個Saturday Brunch Menu加錢有得揀威靈頓牛柳，一個人叫都得。咁就即刻心思思想去試下！

去到餐廳，職員都好一貫嘅文華東方嘅服務態度好殷勤咁接待你，帶你埋位，問下你有冇食物敏感再俾杯水同menu你，總之就有問必答，好親切！睇完個menu就除咗個威靈頓牛柳之外，叫埋佢另外出名嘅龍蝦湯啦，另外甜品就叫咗法式千層酥！

咁嚟嘢食之前，就當然要上一籃麵包先啦，文華東方啲麵包真係好好食，今次呢個極鬆軟，又有少少鹹，我都不自覺咁樣再添食咗多兩舊！

麵包籃

之後個龍蝦湯就出現啦，佢會擺啲龍蝦肉係個碗度，再上菜嘅時候先至倒啲湯落去，份量好足！其實之前我都係staycation同埋係自助餐都飲過佢哋嘅龍蝦湯，但文華扒房呢個真係一絕，有龍蝦味得來又唔會好鹹，仲好creamy，真係好好飲！

龍蝦湯

到主角啦！威靈頓牛柳一向都係得四成熟，所以望上去都會比較紅啲，一切落去，第一個酥皮唔會散先，第二舊牛柳本身已經好林，都唔使點用力就可以切開舊牛柳，一食落去個酥皮加埋蘑菇醬加埋個牛個combination簡直係一絕！果然係名菜！

1

威靈頓牛柳

甜品法式千層酥佢同平時食開嘅千層酥會唔會有啲分別，佢係打直咁一層層咁present，唔太甜仲有好濃嘅芒果味！

法式千層酥

瑪德蓮，朱古力條

埋單。。。我覺得為咗個威靈頓牛柳真係可以一試！