達人包車 (已結業)

近期尖沙咀都係高危有人示威地方，今晚襯冇嘜動靜，即刻約個朋友去食番餐韓國餐😋好掛住好耐冇食嘅炸雞🍗啦😋。炸雞 🍗～ 外皮炸得好脆身，但今次有d失望，雞肉唔夠juicy，有小小鞋口😑。炒粉絲 ～ 粉絲爽身，夾雜d紅蘿蔔🥕絲同雲耳爽爽地咁，碟面鋪上芝麻增加香味，成碟野唔會油林林，幾好味。海鮮煎餅 ～ 呢個最好味，兩邊都煎得非常脆身，啖啖都食倒蝦仁同魷魚粒，最鍾意係加左大量蔥，成個煎餅鬼咁香口，反而海鮮粒好似變成配角😆魚糕湯 ～ 呢個清清地，入邊材料好豐富，但味道就冇嘜特別。朱古力沙冰 ～ 上邊果堆cream太厚🤣又偏甜，但係沙冰朱古力味好強，好好飲👍🏻