Pizza Maru (希慎廣場)

營業中

休息中

今日收工約左朋友嚟希慎廣場食晚飯，平日夜晚嚟食，餐廳都幾多人，要等一陣先有位入座。蜜糖柚子花園比想像中更大盤既沙律，配料極之豐富，有菠蘿，車里茄等配蜜糖柚子沙律醬，清新得嚟非常開胃。而核桃同杏仁片為成盤沙律增添更豐富既口感。蒜香甜辣秘製炸雞 + 蜂蜜牛油秘製炸雞揀左一碟12件既雙拼炸雞，兩款都係醬汁偏甜，唔算好辣既炸雞。外層炸得金黃香脆，入面既雞肉都算嫩滑。漁夫蕃茄燴海鮮(配脆包)海鮮相對普普通通，脆包沾埋醬汁一齊食都幾惹味。Lychee MakgeolliMakgeolli係韓國既一款米酒，味道甜左啲，荔枝同酒味都唔算好突出，勝在夠冰凍又大杯，可以同朋友舉杯暢飲。