三多 (已結業)

三多炸脾一向出名！但住係九龍東入去真係有小小遠，難得去開大尾督，然後佢落雨踩唔到單車😣😣就唯有坐翻巴士出去覓食啦！其實係大尾督食左泰國野飽到上心口，但都係好為食，堅持要試炸脾！！始終係假日嘅下午茶時間 (3點3)，其實都勁驚好多人，不過去到都係等兩張枱，係出面等左五分鐘到就有得入。我地兩個都叫左bb辣嘅炸脾同叫多左一碟炒腸粉Share! 炸脾果然名不虛傳！外脆內滑😍而炒腸粉都好香，我地連啲一齊炒嘅芽菜都殺個片甲不留😂 同埋叫左凍奶茶，正常水準。