興華茶餐廳 (已結業)

雖然話養tummy，但記得做翻啲運動去維持健康🙊成日係ig見到邊到邊到有大炸脾，其實雞脾係好好嘅protein provider黎架🤫睇過一條youtube話柴灣有大炸脾，仲唔即刻帶大家試下😎今次呢間小店開係柴灣嘅山上，大家去到柴灣仲要撘佢嘅上山電梯先會去到覓食平台😋雖然環境舊啲，但啲裝飾夠曬特別💛-🍗蔥油炸雞脾記得餐廳有蔥油炸脾同埋沙薑雞髀比大家揀，大家可以揀飯或麵或者單點。因為實在太肚餓，今次我地叫左蔥油炸脾配麵。一上枱隻雞脾真係大過我隻手，熱辣辣，脆卜卜。最重要係佢入面超級juicy，一啲都唔會炸得好乾❗️食完今次已經話下次黎食沙薑，今次個tummy大件事啦。🧈西多士 因為今次係下午茶時段黎到，西多士係三點三必叫啦掛😋 見到每枱都有叫，我地又點會放過呢個機會呢。上枱嘅時候有少少失望，因為西多士唔夠熱，同埋感覺上西多士嘅蛋味比較重，應該係浸蛋漿太耐。不過整體上唔叫太差，只可能雞脾太出色🤫🍹飲品方面，茶餐廳就要試佢嘅凍奶茶，但今次為左養大啲tummy我地試埋佢嘅紅豆冰，肥仔肥妹啦今次🙊❗️