愛爾蘭瘋薯 (已結業)

好耐之前睇雜誌知道銅鑼灣中央圖書館附近有間小食店賣日式炸物，口啤唔錯，奈何位置比較偏僻一直苦無機會一試，最後連鋪頭都無埋，前排係OR得知嵐山跟愛爾蘭瘋薯合作係旺角再度開業，我心諗「又無我份啦，我咁少去旺角！」呵呵，星期六男朋友話突然間超想食熱狗，記得以家的愛爾蘭瘋薯連熱狗都有賣就去試下，點知去到見到「嵐山料理」！大好機會我又點可以錯過呢，所以最後放棄左熱狗點左我一直好想試的炸蠔同炸薯條，等左大概5至8分鐘，熱辣辣的炸蠔就得喇。食落好juicy，真係有驚喜，同我地上個星期係Tonkichi食的有得fight，個他他汁都ok，輸在炸得過火左少少，個吉列外層的麵包糠好熱氣，芝士酸忌廉薯條係我地既favorite保持一貫水準，等我下次路過再試下其他出品例如炸大蕉、蝦多士等等，各位fans以家唔洗去到旺角先食到喇！