巷口炸雞專門店 (康怡廣場) (已結業)

下午茶見附近有新開張的炸雞店幾特別原來係台灣過江龍。好多選擇，一次試唔晒🙈醬蒜炸雞（小）塔香炸雞（小）2款都好好味，好有台灣的味道，雞肉入面仲有汁好嫩滑。塔香辣辣地更加令人食唔停口。點心套餐$60揀3款，我地揀左涮嘴甜不辣，椒鹽杏鮑菇，香Q地瓜球。杏鮑菇咬落去外脆內軟仲好juicy. 地瓜球真係好QQ，煙煙韌韌，甜甜地 。甜不辣味道普通，切得比較幼身。得閒買黎過下口癮唔錯，啱晒住附近鐘意食炸嘢的人。