老表Chok雞 (已結業)

之前朋友介紹老表chok雞，試過佢啲雞件同雞皮都唔錯。今日又經過旺中，於是再去幫襯。價錢合理，買咗個E餐，六件雞件，方便唔使嘞骨。有7種調味料任你配搭，我揀咗芝士同埋紫菜味，每樣落咗兩大羹， 然後加蓋係咁chok。 Chok完發覺原來好多分粉喺個底度，有啲浪費咗添，其實加一羹都已經夠啦。其實都想試埋佢個雞皮，而家做緊優惠，好抵咁。不過我一個人食唔曬，所以下次再試啦。雞件炸得唔錯，外面脆裏面juicy，唔會乾爭爭。良心小店，下次可以再去幫襯。