影片
更多
2023-04-22
30 瀏覽
同朋友行開旺角想食日本嘢，係女人街搵下搵下，見到一間好有日本風味裝潢嘅日本店，見到價錢又唔係貴，所以就入去試下。見到每日都有特價嘅食品，所以都有啲吸引，入到去店員就安排二維碼畀我哋掃碼點餐，見到食物方面都有唔少，例如串燒，沙律，壽司等等都有。朋友分別嗌咗一啲前菜，壽司，主菜同埋小食試下。三文魚加州卷一碟有六件，六件大小適中，每一啖都係滿足感，卷物非常足料。尤其三文魚有一定厚度。除此之外，三文魚表面亦有蟹籽作點綴，飯卷內玉子、蟹柳同青瓜，十分足料。食材新鮮，口感豐富，味道非常濃郁，其實唔洗點豉油同芥末，味道已經非常鮮甜清爽豐富。火炙三色丼內有三文魚、帆立貝以及比目魚各三塊，全部加以火炙，配上一大碗珍珠米飯，份量充足，口感適中，而且食完真係有飽肚感。火炙後嘅三文魚焦香且油脂更突出，肉質鮮嫩，入口即融，比目魚就肥美爽口，啖啖焦香。帆立貝就燒至表面金黃色，大粒之餘仲晶瑩可口，鮮甜無比。另外叫咗一個天婦羅拉麵，天婦羅拉麵嘅拉麵都係軟硬度適中，而湯底就係用豬骨湯底，配上溫泉蛋，溫泉蛋都有流心嘅蛋黃。天婦羅都有唔同花款除咗有兩隻大蝦之外亦都有茄子南瓜等等令到食材更加多元化，而且佢哋嘅炸漿都係十分之薄
三文魚加州卷一碟有六件，六件大小適中，每一啖都係滿足感，卷物非常足料。尤其三文魚有一定厚度。除此之外，三文魚表面亦有蟹籽作點綴，飯卷內玉子、蟹柳同青瓜，十分足料。食材新鮮，口感豐富，味道非常濃郁，其實唔洗點豉油同芥末，味道已經非常鮮甜清爽豐富。
火炙三色丼內有三文魚、帆立貝以及比目魚各三塊，全部加以火炙，配上一大碗珍珠米飯，份量充足，口感適中，而且食完真係有飽肚感。火炙後嘅三文魚焦香且油脂更突出，肉質鮮嫩，入口即融，比目魚就肥美爽口，啖啖焦香。帆立貝就燒至表面金黃色，大粒之餘仲晶瑩可口，鮮甜無比。
另外叫咗一個天婦羅拉麵，天婦羅拉麵嘅拉麵都係軟硬度適中，而湯底就係用豬骨湯底，配上溫泉蛋，溫泉蛋都有流心嘅蛋黃。天婦羅都有唔同花款除咗有兩隻大蝦之外亦都有茄子南瓜等等令到食材更加多元化，而且佢哋嘅炸漿都係十分之薄，咬落去好爽口，唔會好大陣油淋淋嘅感覺。
炸蠔有五舊，每舊都大大粒，用上吉列蠔嘅做法。味道新鮮酥脆，啖啖鮮味。表面亦唔會好油膩，金黃色的炸皮香脆，而且唔會話好厚嘅假期令到食粉多過食蠔，同時成功保留蠔肉嘅軟嫩口感及鮮甜味。
蜜桃梳打氣泡量非常足夠，雖然用杯裝，但有罐裝汽水嘅容量，清涼解渴。有蜜桃香但又不會死甜。
麵豉湯我覺得佢哋煮得都非常用心，除咗普通嘅海苔之外，亦都有其他唔同嘅紅蘿蔔同白蘿蔔提升麵豉湯嘅鮮味，蔥花亦都係非常爽口，口感同埋味道都唔錯。
見佢其實仲有其他唔同嘅主菜，下次都可以再試吓。
張貼
