大叻越南牛肉粉餐廳 (蘭杜街) (已搬遷) 新店位置

其實呢間都幾成日食🤣，貪佢快同平，味精質素都唔算差。炭燒雞扒檬粉 下午茶份量同午餐差唔多，但價錢就平少少，46蚊一碗，都唔貴。佢塊雞扒燒得好入味，個皮有少少脆，不過我略嫌佢鹹咗少少，但一樣好好食。湯底好清甜，我中意佢甜甜地，整體嚟講，佢性價比都幾高。不過佢環境嗰啲比較逼，你唔會想坐低慢慢食，通常好快食完就走。其他評價：其實我叫咗佢走青，唔知點解最後都係冇走到😂，不過算啦我都費事叫廚房再換。另外唔知點解個碗會刻着越味皇🤣，笑了。