Hashtag B

營業中

休息中

今日專登走去試咗呢間成日大排長龍嘅麵包店，我第一時間鎖定咗個明太子熱狗，$29嚟講份量都算合理。明太子醬份量落得足，鹹香之中帶微微辣勁，同埋條脆皮腸仔出奇地夾，都幾好味~ 白粟米酥，面頭舖滿焦香嘅白粟米，清甜多汁，同底下嘅酥皮形成強烈對比。酥皮做得層次分明，一咬落去「索索聲」，牛油香同粟米甜味互相輝映，好正~ 最後個炭燒咖啡菠蘿油$21絕對係性價比之選。咖啡味香濃得嚟唔會苦澀，菠蘿皮脆身帶甜，夾住無溶的牛油片，建議即買即食，先可以體驗到牛油融化時嘅最佳風味。