一風堂 (朗豪坊) (已結業)

餐廳：一風堂 (旺角)地址：旺角亞皆老街8號朗豪坊4樓5號舖旺角朗豪坊不嬲都係香港人嘅必去勝地，除咗唔少人會去嗰度購物之外，亦都會有唔少人去嗰度覓食🤓而朗豪坊4樓就有一個food court，裏面嘅菜式應有盡有，今次就揀咗最近嘅一間餐廳——一風堂🇯🇵增量濃厚豚肉拉麵($92)係濃厚豚肉拉麵嘅升級版呀😻係肉食獸嘅福利😂豚肉嘅總重量超過200g，仲有三種唔同嘅豚肉，分別有由特製醬汁慢煮而成嘅豚肉、肉質軟腍嘅卷豬柳叉燒，同埋炙燒卷腩叉燒，炙燒卷腩叉燒真係好好食，雖然浸過下湯底，但係都無掩蓋咗本身炙燒過嘅燒香味🤤而卷豬柳叉燒就啱晒鍾意食有少少肥膏嘅人喇😆麵底都有三種選擇，我就揀咗硬、普通、軟三個入面嘅普通麵底，如果你鍾意懶住咁食嘢咁你就可以選擇食軟麵🤣濃郁嘅豚骨湯底配上粗身、有咬口嘅太麵，真係令人引唔住瘋狂吸吮啲麵😛連湯都飲埋(放心，一風堂仲有茶提供，食完飲返啲茶就可以balance返😆)炙燒豚肉半熟玉子丼($68)由於炙燒豚肉真係太好味，所以除咗拉麵一邊有之外，朋友亦都選擇咗呢一款豚肉，呢一個飯有成5塊豚肉，真係好好好好好幸福😻仲有半隻半熟蛋，半生熟個流心蛋黃真係好搶眼好吸引🤤Johnny唐