影片
更多
2007-06-01
6 瀏覽
放工同男友出去金魚街買野, 買完野梗係要搵買, 原本想去峰壽司, 諗諗下又唔知要排幾耐隊, 行行下又經過呢間野, 根據門口既宣傳banner, 夜晚定食set似乎ok, 就是但入左去。裡面環境:迫, 2人檯好細, 開始有d後悔... 睇menu: 選擇都唔少, 呢度既sashimi似乎有dd名氣, 眼見附近唔少人都有叫, 不過岩岩還左5千銀卡數冇乜錢, 是晚唔想食貴格野...最後order 3樣野:1.鹽燒鯖魚定食$482.海鮮石鍋飯定食$553.三文魚沙律卷$48落完order之後唔知過左幾耐, 個鯖魚定食先到, 不過係得碟魚同碗飯, 前菜同味噌湯呢?? 等多陣都唔見個姐仔侍應補返, 心諗唔係條魚附近果幾條沙律菜就係\"前菜\"呀ma... 再等... 又過多唔知幾耐, 個石鍋飯到, 呢個時候佢\先一次過拎2碟有幾條中華沙律既前菜同埋味噌湯過來, 咁都得!? 再望一望個石鍋飯, 眼都突, 好似係將一碟普通過普通既炒飯倒落個石鍋度, 而所謂既海鮮就係蟹柳絲粟米蝦毛幾粒, 完全貨不對版, menu張相係有幾隻大蝦鋪面ga!!講返d野食既質素:1.鹽燒鯖魚定食--> 前菜同味噌湯冇
裡面環境:迫, 2人檯好細, 開始有d後悔...
睇menu: 選擇都唔少, 呢度既sashimi似乎有dd名氣, 眼見附近唔少人都有叫, 不過岩岩還左5千銀卡數冇乜錢, 是晚唔想食貴格野...
最後order 3樣野:
1.鹽燒鯖魚定食$48
2.海鮮石鍋飯定食$55
3.三文魚沙律卷$48
落完order之後唔知過左幾耐, 個鯖魚定食先到, 不過係得碟魚同碗飯, 前菜同味噌湯呢?? 等多陣都唔見個姐仔侍應補返, 心諗唔係條魚附近果幾條沙律菜就係\"前菜\"呀ma... 再等... 又過多唔知幾耐, 個石鍋飯到, 呢個時候佢\先一次過拎2碟有幾條中華沙律既前菜同埋味噌湯過來, 咁都得!? 再望一望個石鍋飯, 眼都突, 好似係將一碟普通過普通既炒飯倒落個石鍋度, 而所謂既海鮮就係蟹柳絲粟米蝦毛幾粒, 完全貨不對版, menu張相係有幾隻大蝦鋪面ga!!
講返d野食既質素:
1.鹽燒鯖魚定食--> 前菜同味噌湯冇咩好講, 魚就有半條, 都ok, 不過碗飯好差, 日本珍珠米係可以煮得好好, 飯粒通透帶點黏, 食落好有口感而且好香, 不過呢度既就非常差, 一舊舊\"痴\"住而且全冇飯香, 我夠膽講我向屋企自己煲都好過佢\呢碗!!!
2.海鮮石鍋飯定食--> 一句講晒, 差到貼地, 我本身都幾鍾意食石頭飯, 佢\竟然將個炒飯倒落個石鍋度就當係石鍋飯, 而且d海鮮料完全係不知所謂, 我真係接受唔到!!! 唯一好彩既係d炒飯都有少少烤味, 即係佢\都有少少良知, 將個炒飯烤一烤過先拎出來...
3.三文魚沙律卷--> 三文魚片卷住沙律菜加麻醬汁, d三文魚新唔新鮮就因為個汁而食唔出, 叫做不過不失啦, 叫呢個卷只係因為想食少少魚生但係又唔想要壽司, 因為已經叫左2個飯...
服務: 全場一個姐仔睇晒10幾張檯仔, 親切都唔得閒扮啦, 茶亦冇加過, 不過佢\既態度都唔係好差, 一般啦。
總結: 記得睇過一個食評, 食家提醒去旺角搵食唔好有期望, 我絕對認同, 如果抱住醫好肚就算既心態, 應該會開心d... 環境味道服務價格呢度全fail, 一定冇下次! 可能去呢間野真係應該食刺身掛, 但係咁既環境服務價格, 個人認為有大把更好既choices!!!
張貼