夏茶 (已結業)

連續兩星期都番黎幫襯呢間小店，因為好味，又因為想試其他味道既飲品。上星期剛開門點了草莓芝士青霧，味道清香，芝士有淡淡的粉紅色，芝士跟士多啤梨味道很夾，飲落有淡淡茶味，夏天飲很清爽。今個星期遠遠已見門口人龍，一邊排隊，另一邊等飲品，埋到去已經無晒草莓味飲品，只有芒果，就點了芒果大滿足及芒果芝士青霧，芒果大滿足內有芒果肉，飲下去伴著果汁果肉，感覺滿足，但芒果味不算濃，芝士青霧一如以往味道清香，個人覺得草莓跟芝士更夾。